․غیبت کے زمانہ کے فرائض پر توجہ

گرچہ ہم نے اس کتاب کو پروردگارعالم کی توفیق اور حضرت بقیت اللہ ارواحنا فداہ کے لطف سے زمانہ غیبت کے ایک اہم فریضہ یعنی امام (عج) کے ظہور کی تعجیل کے لئے دعا کے متعلق تالیف کیا ہے لیکن شائستہ ہے اس کے مقدمہ میں اس تاریک دور اور پر آشوب زمانہ غیبت میں بعض دیگر فرائض کا بھی ذکر کریں گرچہ آرزو ہے ہمارے ہی زمانہ میں غیبت سے پردہ اٹھ جاے ․ اس لئے کہ جو روایتیں ائمہ اطہار علیہم السلام سے وارد ہوئی ہیں اس کے مطابق ہر صبح و شام آنحضرت (عج)کا ظہور متوقع ہے اور ہم کو چاہئے کہ منتظر رہیں۔
افسوس کہ اس سے متعلق کوئی جامع کتاب جس میں غیبت کے زمانہ کے تمام فرائض کی تفصیل درج ہو افراد کے ہاتھ نہیں لگی ہے اور اس باب میں جو گرانقدر کتابیں لکھی گئی ہیں وہ صرف غیبت کے تاریک زمانہ میں چند وظائف پر مشتمل ہیں ان میں بھی سب کا ذکر نہیں ہے۔
اور اگر لوگ روز اول اپنی زبوںحالی و تباہی کی طرف متوجہ ہوجاتے تو عصر ظلمت اتنا طولانی نہ ہوتا۔
بہر حال سبھی لوگ بالا خص وہ افراد جن کا فریضہ تھا کہ اس طرح کے مسائل بیان کریں اور اس سے انھوں نے غفلت کی اور تغافل سے کام لیا انھیں شدت سے غمگین اور شرمندہ ہونا چاہئے ۔
کیا مناسب ہے کہ امیر عالم ہستی جو اس منظومہ میں بلکہ تمام منظومئہ کائنات اورکہکشانوں میں ہماری ضرورتوں سے واقف ہے ہمارے درمیان ہو اور ہم اس سے غافل ہوں؟
کیا زیبا ہے کہ اربوں انسانوں کے ذہن نور خدا کے پنہاں ہونے کی وجہ سے اسی طرح پردئہ ظلمت میں باقی رہیں ؟
کیا شائستہ ہے اربوں انسانوں میں سے ہرایک بنام قلب کوئی شیٴ اپنے ہمراہ رکھتا ہو اور اس کی عظمت سے بے خبر ہو ۔
کس زمانہ میں قلوب اپنی حقیقی زندگی کی راہ میں دھڑکیں گے اور حقیقی انسانی زندگی کی عظمت سے آشنا ہو سکیں گے ؟
کس زمانہ میں انسانی مغز کے تمام خاکی خلیے (cells)متحرک ہوں گے ؟ اور انسانی سماج لامحدود دانش کی وسعتوں سے سر شار ترقی کی راہ طے کرےگا ؟
کس زمانہ میں نور خدا سے آشنائی کی بنا پر تیرگی ‘ اندھیرے ‘استبداد‘اور ستم کا خاتمہ ہوگا اور الہٰی حکومت کے زیر سایہ عالمی انصاف کا دن دیکھ سکیں گے ؟ اور کیا یہ سب کچھ حضرت بقیۃ اللہ کی حکومت کے سوا کہیں اور ممکن ہے ؟ اگر ہے تو کیوں ہم اس کا جلوہ نہیں دیکھتے ؟ اور کیوں اس زمانہ کے اندھیرے کا رونا روتے ہیں ؟ کیوں عالم کے مستقبل سے آگاہ نہیں ہیں ؟ ^(۱) اور کیوں عصرغیبت میںاپنے وظیفے پر عمل نہیں کرتے ؟

امام زمانہ ارواحنا فداہ کی غیبت کا عادی ہوجانا

اپنی فکری روش تبدیل کریں

عالم ہستی کے امیر کی جانب

۱)۔ اس کے متعلق محترم موٴلف نے ایک کتاب بنام ”نگاہی بہ آئندہ جہان“تحریر فرمایا ہے․(مترجم)
۲)۔ شرح غرر الحکم ج ۱ص ۱۸۵
۳)۔ شرح غررالحکم ج۳ ص ۲۲۹
۴ )۔ سورئہ یوسف آیت ۹۲
۵)۔ شرح غرر الحکم ج۵ص۳۰۵
۶)۔ بحارالانوار۵۲/۱۵۳
۷)۔ سورئہ طہ آیت۱۱
۸)۔ نہج البلاغہ کلمات قصار ۲۹۵